Sámi arkiiva

saamelaisarkisto_vari

Sámi arkiiva lea oassi sápmelaččaid muittu, ja dan ulbmilin lea

  • doarjut ja ovddidit máŋggadieđalaš sámedutkamuša
  • nannet sámekultuvrra ja lasihit diđolašvuođa sámekultuvrras
  • dorvvastit, ahte sápmelaččaid guoskevaš dokumeanttat seilot

Oktavuođadieđut ja rabasáiggit

Inari_Sajos

Fitnan- ja poasttačujuhus: Sámekulturguovddáš Sajos, Anár

Telefovdna: 050 408 3062

samiarkiiva@arkisto.fi

Sámi arkiiva bálvala áigevárremiin. Várre áššedikšunáigi, tel. 050 408 3062.

Boahtin ja easttahis johtin

Sámi arkiivva doaibmalanjat leat Sajosa nubbi gearddis. Juos háliidat fitnat arkiivvas, váldde oktavuođa ovddalgihtii, danin go arkiivva uksa lea gitta ja dat galgá rahpat gussiide. Juos dus leat gažaldagat, váldde oktavuođa Sajosa Infoi.

Kulturguovddáža ovdabealde leat nuvttá parkerenbáikkit. Gáffestohpu Čáiju, bivttasheaŋggastagat ja hivssegat leat vuosttas gearddis.

Doaibmahehttejuvvon olbmot besset sisa Sajosa váldouvssain, main lea ráhkkanahttán automahtálaš rahpanmekanismain. Hissain beassá nubbi geardái, gos Sámi arkiivva doaibmalanjat leat.

Sajos lea siste easttaheapme, ja bargoveahka veahkeha rahpat uvssaid, juos lea dárbu. Inva-hivsset lea vuosttas gearddis. Lanjaide sáhtá buktit mielde oahpistanbeatnaga.

Sámi arkiivva materiálat

Sámevirgeoapmahaččat sirdet Sámi arkiivii báberáššebáhpáriid, maid galgá seailluhit bissovaččat. Dan lassin Sámi arkiiva váldá vuostá sámedutkamuša dáfus mearkkašahtti priváhtaolbmuid, sogaid, servviid, bálgosiid, vuođđudusaid ja fitnodagaid arkiivvaid.

Vuosttas 7 doaibmajagi áigge Sámi arkiiva lea váldán vuostá 70 priváhtaarkiivva, main oassi lea sirdon Sámi arkiivii Sámemusea Siiddas, muhto maiddái Riikkaarkiivva Helssega ja Oulu doaibmabáikkiin. Materiálat bálvalit viidát máŋggadieđalaš sámedutkamuša, muhto maiddái iežas soga, bearraša ja ruoktobáikki historjjás beroštuvvan olbmuid.

Sámi arkiivva čoakkáldagat sisttisdollet sullii 300 hildomehtera, main eanašoassi lea ordnekeahttá. Lassin Sámi arkiivvas leat valjis audiovisuálalaš materiála sihke báddehusmateriála, mat seailluhuvvojit daidda dárkkuhuvvon sierranas báddehusarkiivvas.